មួយឈុតនេះស្អាតកប់! បិណ្ឌទី០២ លោក លោក ខេមរៈ សិរីមន្ត និងភរិយា តុបតែងខ្លួនយ៉ាងសាកសម ទៅធ្វើបុណ្យនៅវត្ត ធ្វើឲ្យហ្វេនៗលាន់មាត់ថា….

លោក ខេមរៈ សិរីមន្ត គឺជាតារាចម្រៀងជួរមុខដែលមានកេរ្តិ៌ឈ្មោះបោះសម្លេងមិនថមថយអស់ជាច្រើនឆ្នាំមកហើយ តាមរយៈបទចម្រៀងជាច្រើនដ៏ពិរោះៗ និងគុណភាពសម្លេងល្អ បានធ្វើឲ្យលោកកាន់តែទទួលបានការគាំទ្រជាបន្តបន្ទាប់ ហើយការងារក្នុងវិស័យសិល្បៈរបស់លោក គឺពិតជាកើនឡើងជាលំដាប់ ដូចជាច្រៀងនៅតាមការប្រគុំតន្ត្រីធំតូច តាមបណ្តាលខេត្ត ក្រុង នានា ព្រមទាំងការថតពាណិជ្ជកម្មជាដើម។ ដោយលែកនៅក្នុងថ្ងៃដាក់បិណ្ឌទី២ លោក ខេមរៈ សិរីមន្ត និងភរិយា បានតុបតែងខ្លួនក្នុងសម្លៀកបំពាក់ប្រពៃណី ដឹកដៃគ្នាទៅវត្តយ៉ាងរីករាយ ក្នុងនោះលោកបានភ្ជាប់ជាមួយសារថា: បានមួយវត្តហើយ។ ក្រោយឃើញបែបនេះមហាជនជាច្រើនបានចូលខមិនថា លោក និងភរិយា ពិតជាស្រស់ស្អាតមែន – ជូនបុណ្យដល់ហ្វេនៗផង idol ជាដើម៕ សូមទស្សនាកម្រងរូបភាពខាងក្រោមនេះ:  

Read More

មហាជនសង្ស័យពីទំនាក់ទំនង Toey និង កូនសេដ្ឋីម្នាក់ កំពុងស្រឡាញ់គ្នា

តារាស្រី Toey Jarinporn និង តារាសម្ដែងប្រុស Alex Teeradetch បានប្រកាសបែកគ្នាមួយរយៈមកហើយ ដែលការបញ្ចប់ស្នេហារយៈពេល ៣ ឆ្នាំរបស់ពួកគេទាំងពីរ ធ្វើឱ្យមហាជនជាច្រើនទន្ទឹមរង់ចាំមើលថា ពេលតារាស្រី Toey មានគូស្នេហ៍ថ្មីជាបុរសអ្នកមានលំដាប់សេដ្ឋីដូចមិត្តរួចក្រុមដែរ ឬយ៉ាងណា ព្រោះថាក្នុងចំណោមពួកគេម្នាក់ៗ បើមិនបានប្ដីជាសេដ្ឋីទេ ក៏មានគូស្នេហ៍មកពីត្រកូលអភិជនមានលុយវាល់លានដែរ ។ ការទន្ទឹងរង់ចាំរបស់មហាជនក៏ស្រាប់តែកំពុងលេចពន្លឺ ខណៈថ្មីៗនេះតារាស្រី Toey បានបង្ហោះរូបគូនៅលើគណនី IG ផ្លូវការជាមួយបុរសសង្ហាម្នាក់ ឈ្មោះថា Kit Bencharongkul ដែលគេស្គាល់ថាលោកគឺជាអ្នកស្នងមរតកក្នុងត្រកូលអភិជនមានទ្រព្យសម្បត្តិស្ដុកស្ដម្ភម្នាក់ ដោយពួកគេបានបណ្ដើរគ្នាទៅដើរលេងនៅសារមន្ទីរមួយកន្លែងក្នុងប្រទេសថៃ ។ ងាកមកកូនសេដ្ឋីវ័យក្មេងគឺលោក Kit ក៏បានថតរូបគូបង្ហោះជាមួយ Toey យ៉ាងស្និទ្ធស្នាលដែរ ។ សកម្មភាពប្លែកគួរឱ្យចាប់អារម្មណ៍របស់តារាស្រី Toey និង កំលោះហាយសូរខាងលើ ធ្វើឱ្យមហាជនដាក់ការសង្ស័យពីទំនាក់ទំនងមិនមែនត្រឹមជាមិត្តធម្មតារវាងពួកគេទាំងពីរ ។ តែយ៉ាងណាដ្បិតថាមហាជនជាច្រើនយល់ថាពួកគេកំពុងទាក់ទងមើលចិត្តថ្លើមគ្នា តែ Toey នៅមិនទាន់ចេញមុខបញ្ជាក់ការពិតថាយ៉ាងណាឡើយ ដែលធ្វើឱ្យគេមិនទាន់អាចសន្មតជាក់លាក់បានថា អ្នកទាំងពីរកំពុងផ្ដើមស្នេហ៍បានដែរ ៕

Read More

Jooy និង Dj Push រៀបការជិត ២ ឆ្នាំនៅតែដើរពតែកូនគេ មិនទាន់សម្រេចប្រាថ្នាពកូនខ្លួនឯង

ខ្វះតែប៉ុន្មានខែទៀតនឹងដល់ខួបអាពាហ៍ពិពាហ៍គម្រប់ ២ ឆ្នាំរវាងតារាសម្ដែងស្រីជួរមុខ Jooy និង Dj Push ដោយអ្នកទាំងពីរ ព្រមព្រៀងប្ដូរឈ្មោះពីសង្សាររៀបការក្លាយជាប្ដី-ប្រពន្ធស្របច្បាស់នៅថ្ងៃទី ១៦ ខែវិច្ឆិកា ឆ្នាំ ២០១៨ កន្លងទៅ ដោយមង្គលការរបស់ពួកគេអញ្ជើញចូលរួមសុទ្ធតែអ្នកសិល្បៈល្បីៗ និង ភ្ញៀវកិត្តិយសមានមុខមាត់ក្នុងសង្គម ។ ក្ដីប្រាថ្នារបស់ប្ដី-ប្រពន្ធតារាស្រី Jooy គឺចង់បានកូនម្នាក់ទុកប្រលែងលេងនឹងគ្នាតាំងពីពួកគេទើបតែរៀបការហើយថ្មីថ្មោងមកម្ល៉េះ តែមកដល់ពេលនេះហើយមហាជននៅតែមិនទាន់ឮដំណឹងល្អរបស់អ្នកទាំងពីរទៀត ។ បើតាមរយៈសកម្មភាពរបស់តារាស្រី Jooy និង ស្វាមីសំណព្វចិត្ត ពិតជាស្រឡាញ់ក្មេងខ្លាំងណាស់ តួយ៉ាងជាញឹកញាប់ គេតែងឃើញប្ដី-ប្រពន្ធអ្នកទាំងពីរ ពប្រលែងកូនស្រីរបស់តារាស្រី Aff Taksaorn ប្រៀបដូចកូនខ្លួនឯង ព្រោះថា Jooy និង Aff ស្រឡាញ់រាប់អានគ្នាដូចបងប្អូន ។ តែយ៉ាងណា ទោះបីជាពេលនេះ Jooy និង Dj Push មិនទាន់សម្រេចបំណងមានកូនជារបស់ពួកគេ តែកន្លងមក ស្នេហា និង ភាពផ្អែមល្ហែមរបស់អ្នកទាំងពីរធ្វើឱ្យទស្សនិកជនកោតសរសើរខ្លាំងណាស់ថាជាប្ដី-ប្រពន្ធដែលស្រឡាញ់ ល្អូកល្អិនគ្នាខ្លាំង ៕

Read More

ទីបំផុត ម៉ារីម៉ា កែតម្រូវដាក់ Caption ត្រូវវិញ បន្ទាប់ពី Post រូប ៣ ដង

កាលជិតមួយម៉ោងមុននេះ តារាសម្តែងហ្វីលីពីន Marian Rivera ដែលអ្នកគាំទ្រកម្ពុជាតែងហៅថា «ម៉ារីម៉ា» ត្រូវបានអ្នកលេងបណ្តាញសង្គម និងអ្នកគាំទ្រកម្ពុជាជាច្រើនអាក់អន់ចិត្ត និង បានចូលខមមិន share រូបភាពនាងជាមួយស្វាមីលោក Dingdong ដោយបានដាក់ឈ្មោះទីតាំងនៃប្រាសាទអង្គរថានៅក្នុងប្រទេសថៃ។ ក្នុងនោះរយៈពេលប្រមាណ៣០នាទីក្រោយ ម៉ារីម៉ា ក៏បានលុបរូបភាពចាស់ដែលមានអ្នកខមមិន និង share រាប់ម៉ឺននាក់ចោល និងផុសសារជាថ្មីដោយរូបភាព និង caption នៅក្នុងប្រទេសថៃដដែល កាន់តែធ្វើឲ្យអ្នកគាំទ្រកម្ពុជាមិនពេញលើសដើម។ យ៉ាងណាមិញ នៅផុសចុងក្រោយតារាហ្វីលីពីនរូបនេះ ក៏បានលុប និងបង្ហោះជាលើកទី៣ ដែលសរសេរ caption ថ្មី ថា «Cambodia» ទើបធ្វើឲ្យអ្នកគាំទ្រកម្ពុជាមានអារម្មណ៍ប្រសើរឡើងវិញ។ ក្នុងនោះដែរ ទោះជាមាន Admin ផេករបស់ ម៉ារីម៉ា ចេញមកសុំទោសតែ ក៏មានការលើកឡើង និងសួរជាច្រើនថា «តើមានការភ័ន្តច្រឡំមែន ឬយ៉ាងណា?»៕

Read More

តារាស្រីទាំងនេះប្រឡូកសិល្បៈជាង ២០ ឆ្នាំ ល្បីទាំងឈ្មោះ សល់ទាំងលុយវាល់លាន

អាជីព​ជា​អ្នកសិល្បៈ មិន​ត្រឹមតែ​បាន​តុបតែង​ខ្លួន​ស្អាតបាត​រាល់ថ្ងៃ ទទួលបាន​ការស្រឡាញ់​ពេញចិត្ត​ពី​សំណាក់​ទស្សនិកជន មានឈ្មោះ​បោះ​សំឡេង​ទាំង​ក្នុង និង ក្រៅប្រទេស​នោះទេ តែ​បើសិនជា​មានឈ្មោះ​កាន់តែ​ល្បីល្បាញ ពួកគេ​ក៏​អាច​រកចំណូលបាន​ពី​ការថត​កុន ផ្សព្វផ្សាយ​ពាណិជ្ជកម្ម​ផ្សេងៗ​ដល់​ទៅ​រាប់រយ​លាន​ផងដែរ និយាយ​ឱ្យ​ខ្លី​ទៅប្រើ​ប្រាស់​ជីវិត​យ៉ាង​ហាយ​សូរ រស់នៅ​ស្រណុក​សុខ​ស្រួល​បំផុត ។​ ​ជាក់ស្ដែង​តារា​ស្រី​ថៃ ៥ ដួង​នេះ ក្នុងចំណោម​ពួកគេ​ម្នាក់ៗ​បាន​ប្រឡូក​ក្នុង​វិស័យ​សិល្បៈ​មិន​ក្រោម ២០ ឆ្នាំ​នោះទេ ដែល​សព្វថ្ងៃ​តារា​ស្រី​ទាំងនេះ ទទួលបាន​ទាំង​ឈ្មោះ​ល្បី សល់​ទាំង​លុយ​វាល់​លាន​សម្រាប់​ដើរលេង​សប្បាយ​ហ៊ឺហារ ។​ ១- អែន ថង​ប្រាក់​ស៊ុម​ ​តារា​ស្រី​រូបនេះ​ចាប់​អាជីព​សិល្បៈ​តាំងពី​អាយុ ១៥ ឆ្នាំ​មកម្ល៉េះ ហើយ​បើ​គិត​មកដល់​បច្ចុប្បន្ន អែន ប្រឡូក​ក្នុង​វិស័យនេះ ២៨ ឆ្នាំ​ហើយ ។​ ២- ចេ​ន្នី​ ​ចេ​ន្នី ក្លាយជា​តារា​សម្ដែង​ពេញ​លេង​តាំងពី​ឆ្នាំ ១៩៩៧ ប៉ុន្ដែ​បើ​និយាយ​ឱ្យដល់​ទៅ នាង​ប្រឡូក​ក្នុង​វិស័យ​វីដេអូ​តន្ត្រី​តាំងពី​ឆ្នាំ ១៩៩៣ មក​ឯណោះ ។​ ៣- តារា​ស្រី Nune Woranuch ​រឿង​ដំបូង​ដែល Nune សម្ដែង​គឺ «Pob Pee Fah» ក្នុង​ឆ្នាំ ១៩៩៧ ហើយ​បើ​គិត​មកទល់​បច្ចុប្បន្ន នាង​ក្លាយជា​អ្នកសិល្បៈ​រយៈពេល ២២ ឆ្នាំ​ហើយ ។​ ៤- អាំ ផាត់​ឆា​រ៉ា​ផា​ ​មិន​ខុសគ្នា​ពី​តារា​ស្រី Nune ប៉ុន្មាន ដោយកំពូល​តារា​សម្ដែង​ឈានមុខ​របស់​ថៃ​ អាំ រូបនេះ ចាប់​អាជីព​ជា​អ្នកសិល្បៈ ២២ ឆ្នាំ​ហើយ ។​ ៥- ឈុំ​ភូ អា​រី​យ៉ា ​អ្នក​ម្ដាយ​កូនភ្លោះ​រូបនេះ ក៏​ចាស់ខែ​ចាស់​ថ្ងៃ​នៅក្នុង​អាជីព​សិល្បៈ​ដែរ ព្រោះ​នាង​ក្លាយជា​តារា​សម្ដែង និង ម៉ូ​ដែល​តាំងពី​ឆ្នាំ ១៩៩៨ មក ហើយ​ក៏បាន​ផ្លាស់ប្ដូរ​ប៉ុស្ដិ៍​ទូរទស្សន៍​ពីមួយ​ទៅមួយ​ដែរ ៕

Read More

អាយុ 38 ឆ្នាំដូចគ្នា តែមើលសម្រស់តារាស្រីថៃ ៣ ដួងនេះ មិនសរសើរមិនបាន

ក្នុងវិស័យសិល្បៈថៃ មានតារាស្រីលំដាប់កំពូលច្រើនរូប ដែលរក្សាបាននូវប្រជាប្រិយភាពបានយូរខ្លាំង ស្ទើរតែគ្មានតារាស្រករក្រោយណា អាចដណ្ដើមតំណែងបាន។ ប្រជាប្រិយភាពដែលទទួលបានបានយូរដូចនេះ ក៏ព្រោះតែពួកគេ មានទាំងសមត្ថភាព និង សម្រស់ ដែលលេចធ្លោខ្លាំង គួរឱ្យសរសើរ។ ក្នុងនោះ ថ្ងៃនេះ «ប្រជាប្រិយ» សូមបង្ហាញជូនលោកអ្នក នូវកំពូលតារាស្រី ៣ ដួង ដែលត្រូវបានគេចាត់ទុកថា ជាតារាស្រី មានរូបសម្រស់ស្រស់ស្អាត ក្នុងចំណោមតារាស្រីថៃដទៃទៀត ហើយជាពិសេស រូបនាងមានអាយុ ៣៨ ឆ្នាំដូចគ្នា ក៏ប៉ុន្ដែពួកគេសាច់ចាំ វ័យក្មេង និងស្រស់ស្អាតខ្លាំង៕ ចង់ដឹងថា តើតារាស្រី ៣ ដួងនេះ ជានរណា តោះទស្សនាទាំងអស់គ្នា៖ ១) Chompoo araya កើតនៅថ្ងៃទី ២៨ ខែមិថុនា ឆ្នាំ ១៩៨១ ២) Janie Tienphosuwan កើតនៅថ្ងៃទី ១១ ខែកញ្ញា ឆ្នាំ ១៩៨១ ៣) Sririta Jensen កើតនៅថ្ងៃទី ២៧ ខែតុលា ឆ្នាំ ១៩៨១

Read More

កូនប្រុស ម៉ារីម៉ា ប៉ិចឡើងមុខមាត់សង្ហាដូចកំលោះ ឪពុកម្ដាយសប្បាយចិត្តមុខរីកដូចគ្រាប់ជី

កន្លងមកមហាជនតែងលើកសរសើរពីគ្រួសារពោរពេញដោយសុភមង្គលមិនធ្លាប់លេចធ្លាយព័ត៌មានអាស្រូវរបស់កំពូលតារាសម្ដែងហ្វីលីពីន Marian Rivera ឬ ម៉ារីម៉ា និង ស្វាមីសំណព្វចិត្ត Dingdong ជាគ្រួសាររស់នៅប្រកបដោយក្ដីសុខ ជាពិសេសសមាជិកម្នាក់ៗ សុទ្ធតែមានមុខមាត់ស្អាតខ្លាំងតាំងពីឪពុកម្ដាយ រហូតដល់កូនប្រុស-ស្រី ។ កាលពីនាងតូចច្រមក់ Letizia កូនស្រីច្បងរបស់កំពូលតារាសម្ដែងទាំងពីរដួងខាងលើ ទើបសម្រាល និង ធំលូតលាស់ឡើងបន្តិចម្ដងៗ អ្នកប្រើប្រាស់បណ្ដាញសង្គមជាច្រើននាំគ្នាលួចក្នក់ក្នាញ់ចំពោះមុខមាត់មូលកំប្លង់ៗ ថ្ពាល់ពណ៌ស៊ីជម្ពូ កែវភ្នែកមុតថ្លា ឯសាច់ឈាមវិញ ក៏សខ្ចីទ្រលុកទ្រលន់ ជាក្មេងស្រីស្រស់ស្អាតគួរឱ្យស្រឡាញ់បំផុត ។ ដោយឡែកខណៈតារាស្រី ម៉ារីម៉ា សម្រាលបានកូនប្រុសទី ២ ម្នាក់ទៀតឈ្មោះថា Jose Sixto ធ្វើឱ្យទស្សនិកជនមិនច្រណែននឹងភ័ព្វសំណាងរបស់អ្នកសិល្បៈដ៏ល្បីប្រចាំប្រទេសហ្វីលីពីនខាងលើមិនបាន ព្រោះថាអាយុទើបតែមួយឆ្នាំ អូនតូច Jose Sixto ស្រស់សង្ហាដូចកំលោះ មុខរលោងម៉ដ្ឋខៃ រោមភ្នែកវែងស្អាតដូចក្មេងស្រី ធ្វើឱ្យសុភាពនារីជាច្រើនជ្រើមជ្រួលសុំកក់ទុកតាំងពីនៅក្មេងបាត់ទៅហើយ ៕

Read More

Taew និង សង្សារថ្មី បណ្ដើរគ្នាទៅណាមកណា ស្អិតដូចស្រមោចរោមស្ករ

តារាសម្ដែងស្រីជួរមុខ Taew Natapohn កំពុងមានក្ដីសុខនឹងចំណងស្នេហ៍ថ្មីជាមួយសេដ្ឋីកំលោះ Pranai ដោយមួយរយៈចុងក្រោយនេះ គេសង្កេតឃើញគូស្នេហ៍មួយគូនេះ កាន់តែបើកចំហពីទំនាក់ទំនងស្នេហា បង្ហាញពីភាពផ្អែមល្ហែមជាសាធារណៈ ។ តួយ៉ាងកាលពីយប់មិញនេះ តារាស្រីរូបស្រស់ Taew Nataponh និង លោក Pranai បានណាត់គ្នាញ៉ាំអាហារពេលល្ងាចយ៉ាងរ៉ូមែនទិកនៅភោជនីយដ្ឋានទំនើបថ្លៃៗ ក្នុងនោះពួកគេទាំងពីរថែមទាំងបានថតរូបគ្នាបង្ហោះលើ IG Story ដែលមើលទៅបរិយាកាសទាំងមូល ពិតជារីករាយសមានសេចក្ដីសុខសម្បើមណាស់ ។ ទោះបីជារឿយៗ គូស្នេហ៍ថ្មីថ្មោងមួយគូនេះ តែងបណ្ដើរគ្នាទៅណាមកណាញឹកញាប់ ប៉ុន្ដែនៅលើគណនីអ៊ីនស្រ្តាក្រាមរបស់ពួកគេ រហូតមកដល់ពេលនេះមិនទាន់ឃើញបង្ហោះរូបភាពគូៗ ដើម្បីបញ្ជាក់កាន់តែច្បាស់លាស់ថា ពួកគេទាក់ទងគ្នាជាផ្លូវការនោះទេ ៕

Read More

ធ្វើប្លែកពីគេ Poh Natthawut លត់ជង្គង់សំពះប្រពន្ធនៅថ្ងៃគុណម្ដាយ

តារាសម្ដែងថៃជើងចាស់ Poh Natthawut បានលត់ជង្គង់លើដៃសំពះប្រពន្ធជាទីស្រឡាញ់ ទន្ទឹមនឹងកូនប្រុសទាំងពីរដែលកំពុងក្រាបសំពះម្ដាយដល់បាតជើង បង្ហាញពីការគោរពដឹងគុណនៃការចិញ្ចឹមបីបាច់ថែរក្សាតាំងពីតូចមក បានធ្វើឱ្យមហាជនអ្នកប្រើប្រាស់បណ្ដាញសង្គមចាប់អារម្មណ៍ផង ភ្ញាក់ផ្អើលផង ព្រោះថាថ្ងៃគុណម្ដាយ ឬ Mother’s Day គ្រប់គ្នាក្រាបសំពះម្ដាយដែលជាអ្នកមានគុណ ប៉ុន្ដែលោកបែរជាសំពះប្រពន្ធទៅវិញ ។ ជាមួយនឹងទង្វើខុសប្លែកពីអ្នកសិល្បៈដទៃរបស់តារាប្រុស Poh Natthawut នេះ លោកក៏បានអះអាងថា លោកលើកដៃសំពះក្រាបថ្វាយបង្គំដល់ម្ដាយរបស់លោកប្រុសទាំងពីរដោយគ្មានការខ្មាសអៀសដល់អ្នកណាទាំងអស់ ទោះបីជាគ្រប់គ្នាមើលមកលោកបែបណាក៏ដោយ ព្រោះថាលោកស្រឡាញ់ប្រពន្ធ ហើយចង់អរគុណនាងយ៉ាងខ្លាំងសម្រាប់ការលះបង់ជាច្រើនដល់ពួកយើងក្នុងនាមជាម្ដាយ និង ជាភរិយាដ៏ល្អកន្លងមក ។ ជាមួយពាក្យអរគុណទាំងនេះ តារាប្រុស Poh Natthawut ក៏បានរៀបរាប់ពីការហត់នឿយរបស់ប្រពន្ធត្រូវលះបង់យ៉ាងណា អត់ងងុយទាំងយប់ទាំងថ្ងៃ ពេលដែលពួកគេរៀបការ និង មានកូនជាមួយគ្នា ៕

Read More

តារាថៃ Fluke Jira ប៊ិះនឹងពិការភ្នែក ដោយសារ Contact lenses

ថៃ៖ ថ្មីៗនេះ មានរឿងដ៏ភ្ញាក់ផ្អើល ប្រមទាំងធ្វើឲ្យហ្វេនៗព្រួយបារម្ភយ៉ាងខ្លាំង ចំពោះតារាចម្រៀងនិងជាតារាសម្ដែងប្រុស លោក Fluke Jira បន្ទាប់ពីបានចេញមក ចែករំលែកពីបទពិសោធន៍ដ៏ភ័យរន្ធត់ ក្នុងពេលដែលលោកបានជួបនឹងគ្រោះថ្នាក់ ដែលធ្វើឲ្យលោកស្ទើរតែ ពិការភ្នែក ដោយសារតែការពាក់ Contact Lenses ។ ក្នុងនោះដែល លោកបានរៀបរាប់ថា ជាធម្មតាលោកបានពាក់ Contact Lenses ជារៀងរាល់ថ្ងៃ តែរហូតដល់ថ្ងៃគ្រោះថ្នាក់ លោកបានយកវាមកពាក់លើភ្នែកខាងស្តាំធម្មតា ប៉ុន្តែនៅពេលដែលដាក់វាលើភ្នែកខាងឆ្វេង លោកក៏មានអារម្មណ៍មិនស្រួល ហើយនៅពេលដែលបើកភ្នែក ស្រាប់តែមើលទៅមិនច្បាស់ ម៉្យាងវិញទៀត លោកប្រហែលជាគិតថា វាមិនបានធ្លាក់ចូលទៅភ្នែកពណ៌ខ្មៅទេ ដូច្នេះហើយទើប សម្រេចចិត្តចេញទៅថតរឿងដូចធម្មតា ។ នាពេលនោះ ភ្នែករបស់លោក នៅតែមិនទាន់ល្អឡើងស្រួលបួល រហូតដល់ ភ្នែកកាន់តែក្រហាយ ក្រហមនិងហើមខ្លាំងឡើង ព្រមទាំងព្យាយាមយកវាចេញ ប៉ុន្តែមិនយូរប៉ុន្មាន ក៏បានរកឃើញថា Contact Lenses ត្រូវបានរហែក ហើយអាចយកចេញបានតែមួយចំណែកប៉ុណ្ណោះ ហើយដោយសារតែ លោកមិនអាចទ្រាំទ្រនឹងការថតរឿងបាន ទើបខាងអ្នកដឹកនាំរឿង អនុញ្ញាតលោកទៅជួបគ្រូពេទ្យ។ ជាក់ស្ដែង នៅពេលទៅពិនិត្យ លោកក៏បានបង្ហាញលទ្ធផល ដែលបានឲ្យឃើញថា នៅកន្លែងភ្នែកពណ៌ខ្មៅ រងរបួសដោយមានស្នាមកោស ព្រោះដោយសារតែ ទុកកម្ទេច Contact Lenses ដែលបែក នៅក្នុងភ្នែក រហូតដល់ទៅ ១០ ម៉ោង ម៉្យាងវិញទៀត ខាងគ្រូពេទ្យ ក៏បាននិយាយទៀតថា ប្រសិនបើទុកចោលជាច្រើនថ្ងៃទៀត ភ្នែកអាចកាន់តែមានសភាពធ្ងន់ធ្ងរផងដែរ។ យ៉ាងណាមិញ បន្ទាប់ពីទទួលដំណឹងបែបនេះ ក៏មានប្រិយមិត្តជាច្រើន បានចូលមកផ្តល់យោបល់ និងផ្ញើការលើកទឹកចិត្ត ក៏ដូចជាជូនពរឲ្យលោកឆាប់ជាសះស្បើយ​ ផងដែរ៕ សូមទស្សនារូបភាពខាងក្រោម៖

Read More