ឈិន ចាន់ធារី ក្រោយស្ពាយឈ្មោះជាមេម៉ាយ ៣ ឆ្នាំទីបំផុត ព្រមទម្លាយមុខមាត់គូរស្នេហ៍ថ្មីរបស់ខ្លួនហើយ

ជាការពិតណាស់ដែលក្រោយពីស្ពាយងារជាមេម៉ាយកូនពីរអស់រយៈពេល ៣ ឆ្នាំ ពេលនេះអតីតពិធីការិនីមាឌតូចល្អិត ឈិន ចាន់ធារី ចាប់ផ្តើមបង្ហាញមុខមាត់របស់ម្ចាស់ចិត្តថ្មីជាសាធារណៈហើយ ។ជាក់ស្ដែងកាលពីថ្ងៃទី ១៩ ខែកុម្ភៈ ឆ្នាំ​ ២០២១ កន្លងទៅនេះ គឺជាខួបកំណើតរបស់ ឈិន ចាន់ធារី ហើយក្រៅពីទទួលបានពាក្យពេចន៍ជូនពរពីសំណាក់មិត្តភក្តិជាច្រើន ឈិន ចាន់ធារី ក៏ទទួលបានការនូវពាក្យជូនពរយ៉ាងពិសេសពីបុរសសង្ហាម្នាក់ ដែលស្តាប់ហើយពិតជារំភើប ។

សារនោះមានអត្ថន័យថា ៖ «រីករាយថ្ងៃខួបកំណើតរបស់ អូនធារី ជូនពរអូនជួបតែសេចក្ដីសុខ ជួបតែសុភមង្គលក្នុងគ្រួសារ សម្រស់កាន់តែស្រស់ស្អាត មានសុខភាពល្អ ជោគជ័យនៃការងារ មានសំណាងល្អគ្រប់ពេលវេលា មានមនុស្សស្រឡាញ់កាន់តែច្រើន ឈ្នះអស់មារសត្រូវ អ្នកចង់ចងពារឱ្យក្លាយជាមិត្តភាព ជាពិសេសក្ដីប្រាថ្នារបស់អូនឱ្យបានសម្រេចបំណងផង» ។

ដោយឡែកសម្រាប់ឆ្នាំនេះគឺជាឆ្នាំពិសេសរបស់ ឈិន សុធារី ដែលបានទទួលភាពផ្អែមល្ហែម និង ហ៊ានបង្ហាញជាសាធារណៈ ក្រោយនាងបានចែកផ្លូវជាមួយអតីតស្វាមីលោក សុវណ្ណ មករា រយៈពេល ៣ ឆ្នាំមកហើយ ដោយបន្សល់កូនភ្លោះពីរនាក់ជាចំណងដៃ ។ ពេលនេះ ឈិន សុធារី លែងចាប់អារម្មណ៍ជាមួយនឹងការងារសិល្បៈហើយ ដោយនាងងាកចាប់អាជីពរកស៊ីវិញម្តង ដែលពេលនេះនាងក៏ជាម្ចាស់អាហារដ្ឋានមួយដែលមានទីតាំងនៅម្តុំព្រែកលាភ ៕ប្រភព៖popular

Related posts