មួយរយៈចុងក្រោយនេះ តារាកំប្លែង នាយចយ នៅក្រុមកំប្លែងរបស់ នាយក្រឹម ហាក់ដូចជា មិនមានមុខច្រើន តាមកញ្ចក់ទូរទស្សន៍ប៉ុន្មានទេ ដោយរវល់នឹងរកស៊ីរបរ លក់ជ្រូកខ្វៃ ដែលទទួលបានការគាំទ្រយ៉ាងខ្លាំងសន្ធឹកសន្ធាប់ពីសំណាក់មហាជន។
ជាក់ស្តែង បើងាកទៅមើល ជីវិតឯកជនរបស់តារារូបនេះ ក៏ឃើញថារូបលោក មានសុភមង្គល និងមានក្តីសុខ គួរជាទីពេញចិត្ត ក្រោយសាងជីវិតគ្រួសារ និងព្រមទាំងមានកូនតូចម្នាក់មួយទៀត ដែលជាចំណងដៃនៃអាពាហ៍ពិពាហ៍របស់លោក ជាមួយនឹង ភរិយា។
យ៉ាងណា ស្រាប់តែវេលាយប់មិញនេះ ភរិយារបស់ នាយចយ ហាក់មានការអន់ចិត្តនិងប្តី ក៏ដាច់ចិត្តបង្ហោះសារបែបនេះថា: បងៗស្រីៗណាខ្លះដែរមានប្តី សុខចិត្តយកស្រា សុខចិត្តយកមិត្តភក្តិ បងប្អូន ហើយសុខចិត្តទុកប្រពន្ធនឹងកូនចោលដូចប្តីខ្ញុំ 😏😏😡
ខ្ញុំស្មានថាខ្លួនឯងមានសំណាង់ណាស់ក្នុងជាតិនេះ តែបែរជាកម្មក្រាសទៅវិញ😏 សូមស្មាលារ🙏🙏 មិនចង់យករឿងគ្រួសារមកផុសអោយគេដឹងទេតែវាដូចជាដដែលៗពេកចឹងហើយអារម្មណ៍ដែរខ្មាសវាលែងមាន៕
