សមត្ថកិច្ចរកឃើញវត្ថុតាងមួយ ខ្មាន់កាំភ្លើងបានទុកចោលក្នុងភូមិមួយ នៅស្ទឹងត្រែង

រហូតមកដល់ថ្ងៃទី ៨ មករា ២០២១ នេះ ឃាតកបាញ់ប្រហារលោកវីរសេនីយ៍ទោ កំពុងលាក់ខ្លួនយ៉ាងអាថ៌កំបាំង​ធ្វើឱ្យសមត្ថកិច្ចចម្រុះស្ថាប័នកំពុងតែស្មុគស្មាញក្នុងការស្វែងរកជនដៃដល់ ព្រោះជនល្មើសហាក់មានវិធីសាស្ត្ររត់គេចខ្លួនពីមួយកន្លែងទៅមួយកន្លែងដោយប្រុងប្រយ័ត្នបំផុត ។ អ្វីដែលគួរឱ្យភ្ញាក់ផ្អើលតាមរបាយការណ៍របស់សមត្ថកិច្ចបានរកឃើញថា ឃាតករូបនេះ ថែមទាំងមានមធ្យោបាយធ្វើដំណើរដើម្បីគេចខ្លួនថែមទៀតផង ។

បេសកកម្មតាមស្វែងរកឃាតក គឺមានតំរុយថី្ម ដោយកាលពីថ្ងៃទី ៦ មករា ២០២១ ខ្មាន់កាំភ្លើងបានរត់គេចខ្លួនចេញពីខេត្តរតនគិរី ឆ្ពោះទៅខេត្តស្ទឹងត្រែង ហើយបានរកឃើញថាជនល្មើសបានជិះម៉ូតូមួយគ្រឿង ជិះ​ចូល​មក​ក្នុងភូមិ​មួយ​ឈ្មោះ​ភូមិ​ច្រប់ ក្នុងស្រុក​សេ​សាន និង​ បាន​ទុក​ម៉ូតូ​នោះ​ចោល ហើយបន្តគេចខ្លួន​បាត់ស្រមោល​នៅ​វេលាព្រឹកព្រហាមថ្ងៃ ៧ មករា ២០២១ ចំណែក​ម៉ូតូ​របស់​ជនសង្ស័យ​ត្រូវ​កម្លាំង​ប៉ុស្តិ៍​ក្បាល​រមាស ក្នុង​ខេត្តស្ទឹងត្រែង បាន​យក​ទៅ​រក្សា​ទុកជា​វត្ថុ​តាង ។

រហូតមកដល់ពេលនេះ តើជនល្មើសបានរត់ទៅដល់ទីណាហើយទេ ខណៈជននេះបានរត់ឆ្លងពីខេត្តមួយចូលខេត្តមួយ លឿនដូចព្យុះ ។ កាលពីថ្ងៃទី ៤ មករា ជនល្មើសបានបើករថយន្តដឹកប្រពន្ធកូនទៅខេត្តមណ្ឌលគីរី ស្រុកកោះញែក ពេលនោះស្រាប់តែវ៉ាក់អឺនឹងប៉ារ៉ាស់របស់សមត្ថកិច្ច ហើយក៏បានបើកបំបុកទាំងកំរោល រួចហើយក៏សម្រេចចិត្តទុករថយន្ត និងប្រពន្ធកូនចោល រត់ចូលព្រៃបាត់ ។

តាមចម្លើយសារភាពបក្ខពួកខ្មាន់កាំភ្លើងរូបនេះក៏បានផ្ដល់ចម្លើយសំខាន់ៗជាច្រើនបន្ថែមទៀត ដោយរូបគេបានទម្លាយបន្ថែមទៀតថា ក្រោយពេលជនល្មើសបាញ់ប្រហារលោកវរសេនីយទោ រ៉េត ស៊ីណែត ហើយខ្លួនជាបើកបរ បានបើករយន្តម៉ាក exus RX300 ពណ៌​ខ្មៅ ពាក់​ស្លាក​លេខ សៀមរាប 2A-4546 ទៅប្លុងចោល នៅ​ចំណុច​ផ្ទះ​គ្មាន​លេខ ផ្លូវ​៤២ ភូមិ​ស្វាយ​ឧត្តម សង្កាត់​ព​ន្សាំ​ង ខណ្ឌ​ព្រែក​ព្នៅ ។ ចំណែកឯជនល្មើស ឈ្មោះ អ៊ា ណា​រ៉េ​ន ហៅ រ៉េ​ន បានទាក់ទងបក្ខពួកម្នាក់ទៀត យក​ម៉ូតូ​មក​ឌុ​ប​ពួក​ខ្លួន ឆ្លងស្ពាន​ព្រែ​ក្តាម ទៅ​ផ្ទះសំណាក់​មិន​ចាំ​យីហោ​ដេក​ចំនួន ០២​យប់ ទើបបន្តរត់គេចពីខេត្តមួយទៅខេត្តមួយ ។

ឃាតកដៃឆៅនោះ សាវតា​មុខសញ្ញា​បាញ់សម្លាប់​ នាយរងការិយាល័យ​នគរបាល​ព្រហ្មទណ្ឌ​កំរិត​ស្រាល​នៃ​ស្នងការដ្ឋាន​នគរបាល​រាជធានី​ភ្នំពេញ​ មានឈ្មោះ​ អ៊ា​ ណារ៉េន​ ហៅ​ រិន​ ផាន់​ អាយុ​ ៣៨​ ឆ្នាំ​ អតីត​ទាហាន​កម្ម៉ង់ដូ​ ស្នាក់​នៅ​ផ្ទះលេខ​ ៥៨​ អ៉ឺ១​ ផ្លូវ​ ១១០​ ភូមិ​ ១៦​ សង្កាត់​ផ្សា​រកណ្ដាល​ ១​ ខណ្ឌ​ ដូនពេញ​ ។ ដោយឡែក នៅដើមឆ្នាំ​ ២០០៣​ ឈ្មោះ​ អ៊ា​ ណារ៉េន​ និង​ បក្ស​ពួក​ ធ្លាប់​ធ្វើ​សកម្មភាព​ប្លន់​បាញ់​សម្លាប់​ លោក​ ឱម​ រដ្ឋ​សាឌី​ ប្លន់​យកទូរស័ព្ទដៃ​ ណូគា​ ៩២០០​ នៅ​ចំណុច​ជិត​ផ្សារ​កាប់គោ​ សង្កាត់​ ទន្លេ​បាសាក់​ ខណ្ឌ​ចំការមន​ ហើយទើបចេញពីពន្ធនាគារបាន ២ ឆ្នាំ ។ ជននេះមានអាវុធជាប់ដៃ ហើយជាមនុស្សដ៏គ្រោះថ្នាក់បំផុត

Related posts