ពិសេសខ្លាំងណាស់ សូមសរសើរដល់ពលរដ្ឋជាង ៤០០ គ្រួសារនៅតាមដងស្ទឹងសៀមរាប ស្ម័គ្រចិត្តទៅរស់នៅកន្លែងថ្មី

តាមការបញ្ជាក់របស់រដ្ឋបាលខេត្តសៀមរាប នៅថ្ងៃទី ២០ ធ្នូ ២០២០ នេះបានឱ្យដឹងថា ប្រជាពលរដ្ឋដែលជាម្ចាស់សំណង់កំពុងរស់​នៅ ​តាមមាត់ស្ទឹងសៀមរាប​ ចាប់ពីស្ពាននាគ រហូតដល់ស្ពានអង្គរ​ ចំនួន​ ៤០៥ គ្រួសារនៃចំនួនសរុប​ ៤៣០ គ្រួសារ ស្មើនឹង ៩៤,១៨% បានយល់ព្រមទៅរស់នៅទីតាំងថ្មី​ តាមរយៈការចូលរួមចាប់ឆ្នោតទទួលយកក្បាលដីឡូតិ៍ទំហំ ២០មx៣០ម ស្ថិតនៅតំបន់អភិវឌ្ឍន៍ភូមិធម្មជាតិរុនតាឯក​ ឃុំរុនតាឯក ស្រុកបន្ទាយស្រី ខេត្តសៀមរាប ។

ក្រៅពីដីឡូតិ៍ គ្រួសារពលរដ្ឋដែលយល់ព្រមទៅរស់នៅទីតាំងថ្មី​ នឹងត្រូវបានក្រុមការងារ ​នៃរដ្ឋបាលខេត្តសៀមរាប រៀបចំជូនបន្ថែមដូចជា ប្រព័ន្ធភ្លើងអគ្គីសនី អណ្តូង និងបង្គន់អនាម័យ​​ ផងដែរ។ការយល់ព្រម​ ប្រកបដោយទឹកមុខរីករាយរបស់បងប្អូនប្រជាពលរដ្ឋ​ខាងលើនេះ​ បាន​បង្ហាញពី​ ការចូលរួមគាំទ្រ​ដល់គម្រោងស្ថាបនា​ ហេដ្ឋារចនាសម្ព័ន្ធផ្លូវចំនួន ៣៨ ខ្សែ និងគម្រោងស្តារ-កែលម្អដងស្ទឹងសៀមរាប​ ក្រោមកិច្ចខិតខំប្រឹងប្រែង សម្រប​សម្រួលដោយ អាជ្ញាធរមូលដ្ឋាន​ រដ្ឋបាលក្រុង/ខេត្តសៀមរាប​ និង ក្រសួង​រៀបចំដែនដី​ នគរូបនីយកម្ម​ និងសំណង់​ ៕

Related posts

Leave a Comment