អីយ៉ា! រំភើបជំនួស! ដោយមើលឃើញពីការតស៊ូព្យាយាមរបស់ប្អូនៗទាំង៣នាក់ បងស្រី ដាណា សម្រេចចិត្តផ្តល់មុខរបរមួយជូនគាត់ និងបង្រៀនពួកគាត់ឲ្យចេះធ្វើរឿងមួយនេះ…

ប្រិយមិត្តពិតជាស្គាល់ហើយ បងស្រី ដាណា ដៅកែហាងពេជ្រដ៍ល្បី និងជាបុគ្គលមនុស្សធម៌មួយរូបផងដែរ។ បើតាមគណនីផេករបស់បងស្រី បានបង្ហោះថា៖ “អ្វីដែលបងពេញចិត្ត គឺការតស៊ូ ភាពស្លូតត្រង់ ដែលប្អូនៗមាន😊😊 ការ៉ាកេត ទោះប្អូនគ្មានធនធាន គ្មានសូម្បីទូរសព្ទប្រើ តែប្អូនធ្វើឱ្យគេសើចសប្បាយ ធ្វើឱ្យគេយល់ថា ជីវិតពេលខ្លះស្រស់បំព្រងណាស់ មិនមែនដោយសារមានក្រទេ គឺដោយសារការទទួលយកនូវអ្វីដែលខ្លួនឯងមាន🙂 គាត់បេះព្រលិត ត្រកួនលក់ ដើម្បីជីវិត មិនខ្លាចគេមើលងាយ ហ៊ានទទួលយកការពិត។ សំណាងហើយ ដែលមានមិត្តភក្តិគាត់ ថតបង្ហោះ ទើបអាចដឹងពីជីវិតតស៊ូរបស់គាត់បែបនេះ។
ឥឡូវនាងខ្ញុំ និងស្វាមី សម្រេចចិត្តផ្ដល់ជាមុខរបរមួយដល់ពួកគាត់ បង្រៀនគាត់ ឱ្យចេះងើបពីភាពលំបាក ចេះកែប្រែជីវិត។ នេះជារបរមួយ ដែលត្រូវនឹងចំណូលចិត្តពួកគាត់ ដើមទុនសរុប ១៥០០ដុល្លារ និងសោហ៊ុយម្នាក់ ២០០ដុល្លារ ទូរសព្ទម្នាក់មួយគ្រឿង។ ចំណែកការ៉ាកេត ដែលមានការតស៊ូ សុំតែកង់មួយដើម្បីដឹកបន្លែលក់ នាងខ្ញុំសម្រេចចិត្តផ្ដល់ជូនម៉ូតូមួយគ្រឿង សម្រាប់មុខរបរថ្មីនេះ។
ដឹងថាពួកគាត់ក៏មិនចង់ធ្វើអ្វីដែលខុសពីធម្មជាតិមកទេ តែគ្រប់យ៉ាងបានកំណត់មកចឹង មានតែទទួលយក ហើយផ្ដល់កម្លាំងចិត្តដល់ពួកគាត់ធ្វើរឿងដែលត្រឹមត្រូវ សម្រាប់អនាគតខ្លួនឯង។ នាងខ្ញុំជួយបានប៉ុណ្ណឹង ផ្ដល់សន្ទូច បង្ហាញស្រះទឹក ដែលមានត្រីស្រាប់ ចំណែករឿងបន្ត គឺប្អូនជាអ្នកធ្វើដំណើរដោយខ្លួនឯង ដើម្បីកែប្រែជីវិតឱ្យប្រសើរឡើង💪💪💪៕

Related posts

Leave a Comment