នារីស្រស់ស្អាតម្នាក់ទ្រហោយំនៅប៉ុស្តិ៍ទន្លេបាសាក់ថាលុយមិនស្ដាយ​ ស្ដាយចំមនុស្សថោក ប៉ះចំមនុស្សបោក ខំប៉ាវញ៉ាំអីហើយ បែរជាមកបញ្ច្រកស្រា បន្លំលួចលុយជាង២ពាន់ដុល្លារ!

នារីម្នាក់ទៅញាំស៊ុបជាមួយនារី២នាក់ទៀត ក្រោយមកបន្តចូលផឹក នៅហាងសាច់អាំង ផាំឃីន PK ទីក្រុងកោះពេជ្រ សង្កាត់ទន្លេបាសាក់ ហេីយផឹកស៊ីចប់​ នារី២នាក់នោះ​ បានហៅកង់បីឥណ្ឌា គ្រានាងឡេីងជិះចេញទៅទាំងមានសភាពស្រវឹងទន់ខ្លួនបាត់បង់ស្មារតី ហេីយពេលកង់បីឥណ្ឌាដឹកទៅដល់សួនមុខវត្តបុទុមនារី២នាក់នោះ​ បានចុះពីកង់បី ទុកឲ្យនាងនៅម្នាក់ឯង​និយាយ ​រវេីរវាយថាទៅផ្សារថ្មី រួចថាទៅផ្សារឯករាជ្យ ធ្វើឲ្យម្ចាស់ម៉ូតូកង់បីឈឺក្បាលវិលមុខ ដឹកចុះដឹកឡេីងនាងដូចជាស្វាង ហើយបានប្រាប់ថាបាត់ទូរស័ព្ទ iPhone 11Pro ភ្នែកបី មួយគ្រឿង និងលុយជាង២៨០០ដុល្លារ​ នៅសល់តែ៧០០ដុល្លារ​ ក៏បង្កឲ្យមានការភ្ញាក់ផ្អើលតែម្តង នៅតាមផ្លូវវេងស្រេង ក្នុងសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ កាលពីវេលាម៉ោង០២ និង១០នាទីយប់រំលងអធ្រាត្រ ឈានចូលថ្ងៃទី០៩ ខែធ្នូ ឆ្នាំ២០២០នេះ។

ក្រោយពីដឹងថាបាត់សម្ភារៈខាងលើហើយ​ ក៏ឲ្យកង់បីឥណ្ឌាដឹកនាងមក​ហាងស៊ុប​ ក្នុងហាង “ផាំ ឃីន PK” ខាងលើវិញ ដេីម្បីសួរនាំអ្នកធ្វេីការ​ទីនោះ​ ប្រាប់ថា​ នាងពិតជាបានមកហាងជាមួយមនុស្សស្រី២នាក់ទៀតពិតមែន​ តែមិនដឹងថា​ ទូរស័ព្ទរបស់នាង​ បាត់នៅឯណានោះទេ​ ហេីយនាងក៏ឡេីងជិះកង់បី​ បន្តដំណេីរទៅស្នាក់ការប៉ុស្តិ៍​ទន្លេបាសាក់​ស្រែកទ្រហោយំ​តែម្ដង ថាស្ដាយទឹកចិត្តដែលខំចំណាយលុយ​ប៉ាវគេចូលហូបអាហារ​ ហូបស៊ុប​ ផឹកស្រា​ ក្នុងឱកាសថ្ងៃខួបកំណេីតខ្លួន​ តែបែរជាជួបមនុស្សបោកប្រាស់​ បញ្ច្រកស្រាឲ្យនាងសន្លប់តែឯងហេីយ​ លួចយកទូរស័ព្ទនិងលុយរបស់នាង​បែបនេះទៅវិញ​ ។

Uncategorized

Related posts

Leave a Comment