លោក កែវ វាសនា គឺជាអតីតតារាចម្រៀងនៅផលិតកម្ម សាន់ ដេ មួយរូបដ៏មានប្រជាប្រិយភាពដែលនៅតែដក់ជាប់នៅក្នុងបេះដូងនិង អារម្មណ៍ស្រទាប់យុវវ័យតាំងច្រើនឆ្នាំមកហើយ។
ជាការពិតណាស់ ទោះបីជាសព្វថ្ងៃ តារាប្រុសរូបនេះនៅតែមានភាពមម៉ាញឹកខ្លាំងជាមួយនឹង មុខជំនួញនិង កាតព្វកិច្ចជាមេគ្រួសារក៏ពិតមែន ប៉ុន្តែកេរ្តិ៍ឈ្មោះវិញនៅតែល្បីរន្ទឺមិនចាញ់ពីមុនប៉ុន្មាននោះទេ។មិនត្រឹមតែប៉ុណ្ណោះ ដោយគិតមកត្រឹមពេលនេះគឺមានរយៈពេល៤ឆ្នាំមកហើយ ដែលលោក បានចូលរោងការជាមួយនឹងភរិយាផងដែរ ដោយពីមួយថ្ងៃទៅមួយថ្ងៃភាពផ្អែមល្អែម កាន់តែខ្លាំងឡើងៗ។
ជាក់ស្តែងប៉ុន្មានម៉ោងមុននេះ គណនីហ្វេសប៊ុករបស់ប្រពន្ធលោក កែវ វាសនា បានបង្ហោះសារពាក្យពេចន៍ប៉ុន្មានទៅកាន់ស្វាមីនិង មហាជនផង ក្រោយពីបានរៀបការនិង រួមរស់ក្រោមទ្រនំតែមួយមកជាមួយគ្នាអស់រយៈពេល៤ឆ្នាំរួចមក យ៉ាងដូច្នេះថា៖
ប្តីប្រពន្ធ មិនសំខាន់រៀបការយូរប៉ុណ្ណា ឈ្លោះគ្នាច្រេីនប៉ុណ្ណា រវល់ប៉ុណ្ណាទេ សូមកុំភ្លេច បន្តបង្កេីតបរិយាកាសល្អៗឲ្យគ្នា និយាយពាក្យពិរោះៗ ដែលយេីងតែងតែប្រេីកាលពីស្រលាញ់គ្នាដំបូង។
