កាន់តែអាណិត! ក្រោយជួបសំភាសន៍ផ្ទាល់ជាមួយប្អូនប្រុសកំសត់យកកង់ចាស់ ចូលរួមប្រណាំងកង់នឹងគេ ដោយប្អូនប្រាប់ថា ម្តាយរបស់ខ្លួនមានជំងឺ… (មានវីដេអូ)

ប្រហែលជាអ្នកបានឃើញ នូវរូបភាពជាច្រើនសន្លឹក ដែលត្រូវបានថតបានពីសំណាក់បងប្អូន ដែលចូលរួមកម្មវិធីប្រណាំងកង់ កាលពីថ្មីៗនេះ ដែលមានទាំងការប្រណាំងកង់ បែបមនុស្សវ័យជំទង់ និងការប្រណាំងកង់ បែបក្មេង ក្រោម១៥ឆ្នាំ។

អ្វីដែលធ្វើឲ្យ អ្នកលេងបណ្តាញសង្គមហ្វេសប៊ុក ក្តុកក្តួលចិត្តជាងគេ ដោយឃើញក្មេងប្រុសម្នាក់ បានចូលរួមប្រណាំងកង់ ទាំងដែល កង់របស់គេចាស់ គ្មានហ្រ្វាំងត្រឹមត្រូវ គ្មានមួក

ការពារ និងសម្ភារៈមួយចំនួន ដែលការពារ ពេលគ្រោះថ្នាក់ ដូចជាក្មេងដទៃ។ ប៉ុន្តែរូបគេ មិនរុញរាចិត្តក្នុងការ ចូលប្រកួតកម្មវិធីនេះទេ ដែលប្អូនប្រុស បានស្វិតស្វាញ គ្រប់ការប្រលង ដូចជា ការឡើង ឬចុះទួលជាដើម។

សកម្មភាពរបស់ប្អូនប្រុស បានធ្វើឲ្យ គ្រប់គ្នា សរសើរដែលប្អូន មានចិត្តក្លាហាន ពុះពារគ្រប់វគ្គ និងបញ្ចេញសមត្ថភាពឲ្យគេឯងបានឃើញថា បើទោះបីជា ប្អូនគ្មានកង់ទំនើប គ្មាន

សម្ភារៈការពារខ្លួន ក៏ប្អូន នៅតែហ៊ានចូលប្រកួត ដើម្បីព្យាយាមទទួលបានជ័យជំនះផងដែរ ដោយអាណិតអាសូរ បងប្រុស Leng Tyleang បានជូនកាដូរកង់ដ៏ស្រស់ស្អាត ដល់ក្មេងប្រុសកង់ចាស់ចិត្តធំនេះ។

ហើយមុននេះបន្តិច ខាងហ្វេសបុកផេចរបស់ Popular Magazine បានទៅសំភាសន៍ផ្ទាល់ជាមួយនឹងប្អូនប្រុសខាងលើ ហើយបើតាមប្អូនប្រាប់ គឺម្តាយរបស់ប្អូនមានមានជំងឺប្រសៃប្រសាទ ហើយផ្ទះតូចនិងទ្រុតទ្រោមទៀម ប្អូនប្រុសមិនចង់បានអ្វីទេ ចង់បានតែសំភារៈសិក្សាប៉ុណ្នោះ ហើយធំឡើងចង់ធ្វើជាទាហានម្នាក់៕ ចង់ជ្រាបច្បាស់សូមទស្សនាវីដេអូខាងក្រោមនេះ:

Related posts

Leave a Comment